أنا جالى إتصالات كتيرة جدا وإيميلات حتى قناة الجزيرة نشرت الخبر ..
الكل بيطمن على قلبى..
أحب أطمنكم إنه زى البمب
وإنه خانى كالمعتاد وبدأ يدق تانى
وإنه مع أول كلمة حلوة فط ونط وزغرت
أصل أنا قلبى مسكين قوى وطيب قوى وبيحب قوى
أنا حبيت اطمنكم علشان انا عارفة القلق الفظيع اللى سببتهلكم.
.... أنا حتى سمعت إن الدولار سعره نزل والبورصة اهتزت
أنا آسفة ياجماعة ماكنتش عارفة إن الموضوع هياخد الحجم ده كله
وبعتذر عن كل الخساير دى
فيه حاجة أخيرة فى هذا التنويه...كان فيه واحدة قالت إنها تتمنى أنها لاتملك قلبا ولاإحساسا
أنا بقولكم مافيش أجمل من أن تملك قلبا وإحساسا تحركه كلمة تجعله يطير محلقا فى السماء
واللى قالت الكلام ده واحدة عبيطة ..
معلش اعذروها.....هوه حد يعرفها ؟